АГАР МАНИЖА МЕБУД, ШАБНАМ СИТОРА НАМЕШУД?


Манижа ва Шабнам

Шабнам ва Манижа

Равшан аст, ки Шабнами Сурайё дар жанрҳои мусиқии халқӣ, фалак ва бештар эстрада қувва меозмояд. Бидуни шубҳа мавсуф дар ин самт то андозае муваффақ шудааст. Зумрае андеша доранд, ки агар Манижа ҳунарнамоии худро мунтазам давом медод, Шабнами Сурайё ҳаргиз шӯҳратёр намегардид. Аммо ин андешаву гумонҳо беҳуда аст, зеро майдони санъат бепаҳност ва ҳар соҳибистеъдод метавонад дар он саманди ҳунар ронад.

Манижа чанд маротиба беҳтару хубтар ҳунарнамоӣ менамуд ҳам, ин барои маъруфият ба даст овардани Шабнами Сурайё халал ворид намекард. Шабнами Сурайё садои форам ва симои саҳназеб дорад, ки ин ду бартарии аслии овозхон аст.

Аксари матнҳои интихобкардаи Шабнами Сурайё ба меъёрҳои жанри суруд мувофиқ буда, бори маънӣ мекашанд. ӯ дар вақти иҷрои суруд ҳаракату ишораҳое мекунад, ки ба оҳанг ва талаби мӯҳтавои шеър созгор аст. Агар 2-3 сол қабл Манижа Давлатова мавриди эътирофу эътибори сокинони ҷумҳуриҳои бародар, бахусус, Афѓонистон гардида бошад, имрӯз Шабнам ба чунин мақом расидааст.

Гузашта аз ин Шабнами Сурайё дар чандин фестивал — озмунҳои байналмиллалӣ ширкат варзида, ба гирифтани ҷойҳои намоён мушарраф гардидааст. Баланд бардоштани парчами Тоҷикистон дар чунин чорабиниҳои фарҳангии байналмиллалӣ мояи ифтихори ҳар як тоҷик аст. Аҷиб он аст, ки Шабнам сурудро нисбат ба муаллифи оҳанг ё сарояндаи аввали он хубтару беҳтар месарояд. Баъзе аз сурудҳои начандон маъмули сарояндагони афѓон ё таронаҳои тоҷикии ба умқи фаромӯшӣ рафта, ба шарофати Шабнами Сурайё маълуму машҳур гардиданд.

Мутаассифона, бо ин ҳама комёбӣ Шабнами Сурайё гоҳ-гоҳе бо либосҳое рӯйи саҳна меояд, ки бо ин амал минталитет ва тафаккури мардумро халалдор мекунад. Роҷеъ ба ин мавзӯъ бештар дар расонаҳо маводҳои танқидӣ ба нашр расиданд, вале аз ҷониби Шабнам дар ин самт вокунише ба миён наомад. Ҳамзамон Вазорати фарҳанги ҷумҳурӣ низ бояд либосҳои саҳнавии сарояндагонро ба низом дарорад. Ин аст андешаи ман нисбати ҳунарманди дӯстдоштаам Шабнам!

Синои Холиқ

Manu-tu.tj

Реклама

One comment on “АГАР МАНИЖА МЕБУД, ШАБНАМ СИТОРА НАМЕШУД?

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s